Каде е водата

Едно шише од сок со волумен од 250 mL се полни со вода, а друго се завиткува со непроѕирна хартија или алуминиумска фолија и во него, без да видат останатите, се става суперапсорбирачка супстанца. Водата се претура во завитканото шише и по некое време, кога шишето се преврти со отворот надолу не се забележува течење на водата. Каде е водата?

Прибор
Две шишиња од 1/4 литар, стаклено стапче

Хемикалии
Кополимер поли(натриум акрилат) - со полиакриламид (суперапсорбирачка супстанца за вода) 1,5 - 2 g
(може да го најдете во продавници под името инстант снег)

Начин на работа
Во едното шише се става кополимерот, а во другото шише се става вода. Шишето со кополимерот се обвиткува со непроѕирна хартија (или алуминиумска фолија, Сл. 1 ). Приборот се става на маса пред аудиториумот. Им се најавува експериментот: Исчезнување на водата. Им се покажува волшебното стапче и експериментот се отпочнува со внимателно претурање на водата во шишето со кополимерот.

Сл. 1. Прибор

Сл. 2. Гелот не тече

По претурањето се отпочнува со задржување на вниманието преку искажување на волшебни зборови од типот “чири бу чири ба” итн. При тоа стапчето ќе треба да се движи околу шишето бидејќи тоа и го очекува “публиката”. По околу дваесетина секунди шишето со кополимерот може да се преврти со отворот надолу (Сл. 2.). Добро е отворот од шишето да се наоѓа над некој сад за секој случај. Се дава објаснение при што се отстранува фолијата и се покажува гелот (Сл. 3). Овој дел може да се прошири и со додавање на сол и повторна појава на “водата”.

Резултати и заклучоци
Ако се отстрани алуминиумската фолија може да се открие причината за исчезнувањето на водата. Водата се апсорбира од страна на полимерот. Полимерот може да апсорбира и да задржат голема количина на вода. Тој се користат во памперс пелените за да ја апсорбира урината. Натриум полиакрилатот може да го апсорбира помеѓу 100 и 300 пати поголема маса вода од сопствената маса.

Сл. 3. Шише со гелот